Franca erdhi në këtë Botëror me një ekip të përgjysmuar, Deschamps humbi me radhë titullarë të pa diskutueshëm si Pogba, Kante, Benzema e shumë të tjerë, por dëmtimet vijuan ta përndjekin edhe gjatë këtij turneu ku humbi që në sfidën e parë Lucas Herandez ndërsa pak orë përpara startit të finales shqetëson edhe gjendja e Olivier Giroud.
Sulmuesi i Milan pësoi një dëmtim në gju gjatë seancës stërvitore duke vendosur ndjeshëm në dyshim prezencën e tij. Giroud mund të luaj, por në çdo rast nuk do të jetë në kushte optimale, për këtë arsye Deschamps po mendon ta nis sfidën kundër Argjentinës me Thuram nga minuta e parë.
Gjithsesi, për momentin, Giroud mbetet ende favorit pasi Deschamps i beson shumë eksperiencës së tij.
Shfaq Komentet (0)
